𝐍𝐚𝐩𝐞𝐭𝐫𝐚𝐤𝐚 𝐧𝐲 𝐯𝐚𝐭𝐨𝐟𝐨𝐭𝐫𝐲 𝐧𝐲 𝐈𝐯𝐨𝐧𝐭𝐨𝐞𝐫𝐚𝐧𝐚 𝐡𝐚𝐧𝐝𝐫𝐚𝐢𝐬𝐚𝐧𝐚 𝐬𝐲 𝐡𝐚𝐧𝐨𝐡𝐚𝐧𝐚𝐧𝐚 𝐢𝐫𝐞𝐨 𝐨𝐥𝐨𝐧𝐚 𝐦𝐚𝐧𝐚𝐧𝐚 𝐭𝐨𝐞-𝐛𝐚𝐭𝐚𝐧𝐚 𝐯𝐚𝐫𝐢𝐫𝐚 𝐚𝐨 𝐚𝐦𝐢𝐧’𝐧𝐲 𝐭𝐚𝐩𝐚𝐧𝐲 𝐚𝐭𝐬𝐢𝐦𝐨𝐧’𝐢 𝐌𝐚𝐝𝐚𝐠𝐚𝐬𝐢𝐤𝐚𝐫𝐚

Tonga tao amin’ny Faritra Ihorombe ny 07 Jolay 2026 Ramatoa Elysa Randrianirina vadin’ny Filohan’ny Fanavaozana ny Repoblika nanatanteraka izany.

Ao amin’ny Kaominina Ambanivohitra Ankily, toerana niavian-dRamatoa Elysa RANDRIANIRINA, no hananganana ity fotodrafitrasa ity. Kendrena amin’izany ny hanamafisana ny fandraisana an-tanana sy ny fanohanana ireo olona manana toe-batana varira ary ny hanatsarana ny fahafahan’izy ireo misitraka tolotra mifanaraka amin’ny filàny.

Isany tonga nanatrika ny lanonana ny Talem-paritra Misahana ny Fanavaozana Ihorombe Atoa Randriampilamanana Rostand, izay maneho ny fiaraha-mientan’ny Fitaleavam-paritra amin’ireo hetsika mitondra fampandrosoana ara-tsosialy sy mampiroborobo ny fampiatiana ny rehetra.

Izao lanonana izao dia hanamafy ny fampiatiana ara-tsosialy, hanatsara ny fandraisana an-tànana ireo olona manana toe-batana varira ary hanampy amin’ny fanatsarana ny kalitaon’ny tolotra ho azy ireo hirosoana amin’ny Fanavaozana tena izy.

#MCR#Fanavaozana