Distrika Soavinandriana – Faritra Itasy

03 Jona 2026

FANENTANANA MOMBA NY FIZOTRAN’NY FIKAONANDOHAM-PIRENENA

Nandritra ny fivoriana isam-bolana teto Soavinandriana no nanatanterahana ny fampahafantarana sy fanentanana momba ny dingana mankany amin’ny Fikaonandoham-pirenena izay niarahana tamin’ny ekipan’ny Fitaleavam-paritra misahana ny Fanavaozana Itasy, ho fanomanana sy fampandraisana anjara ny olom-pirenena rehetra.

Nanatrika izany ny Solombavambahoakan’ny Soavinandriana Rivo Setra Randrianarison, ny Lehiben’ny Distrika, ireo Ben’ny Tanàna, tomponandraikitry ny sampan-draharaham-panjakana ary ireo Deleguem-panjakana.

Tsapa nandritra ny fifanakalozana ny fahalianan’ny rehetra sy ny fahavononany handray anjara amin’ity dingana lehibe ho an’ny firenena ity.