Nihaona teny amin’ny Tranombokim-pirenena Anosy androany ireo mpiara-miasa eo anivon’ny Minisitera misahana ny Fanavaozana. Fotoana iray nahafahana nanao tombana ny asa vita sy nahafahana namolavola indray ny paikady hiatrehana ireo asa ho avy.

Anisan’ny andraikitra lehibe miandry ny Minisitera ny fanatanterahana ny 𝙋𝙧𝙤𝙜𝙧𝙖𝙢𝙖𝙣’𝙖𝙨𝙖𝙣’𝙣𝙮 𝙁𝙖𝙣𝙖𝙫𝙖𝙤𝙯𝙖𝙣𝙖 izay niarahana namolavola tamin’ny Fiadidiana ny Repoblika.

Mizara 6 mazava tsara ny iraka ao anatin’izany:

Tantsoroka amin’ny Fikaonandoham-pirenena

Famolavolana ny antontankevitra « Document National d’orientation de la Refondation »

Fanomanana ny Fifidianana

Fitarihana ireo Fanavaozana iraisan’ny Minisitera

Fametrahana ao anatin’ny Andrim-panjakana ny Dinam-pitondran-tena sy Tandrohasina.

Nandritra izao fihaonana izao no nampahatsiahivan’ny Minisitra misahana ny Fanavaozana, Me Hanitra Razafimanantsoa ny tokony hanomezan-danja ao anatin’ny asa sy ny fihetsiky ny tsirairay ireo soatoavin’ny Minisitera misahana ny Fanavaozana :

𝗙𝗶𝗳𝗮𝗻𝗮𝗷𝗮𝗻𝗮, 𝗙𝗶𝗮𝗿𝗮𝗵𝗮-𝗺𝗶𝗲𝗻𝘁𝗮𝗻𝗮, 𝗙𝗮𝗻𝗼𝗹𝗼𝗿𝗮𝗻-𝘁𝗲𝗻𝗮.

#mcr #Fanavaozana