Kaominina Ambadrika – Distrika Manakara – Faritra Fitovinany

15 Jona 2026

Tontosa ny fanentanana momba ny Fikaonandoham-pirenena notarihin’ny Talem-paritra misahana ny Fanavaozana Faritra Fitovinany RANDRIAZAFY Romario teo anivon’ny mponina ao amin’ny Kaominina Ambadrika. Nandritra izany no nanazavana ny fizotry ny Fikaonandoham-pirenena sy ny anjara asan’ny FFKM amin’ny fitarihana azy, izay miainga eny anivon’ny fokontany.

Nahazo fanazavana mazava ny mponina ary maro no tonga nanatrika sy naneho fahalianana tamin’ny lohahevitra. Hita fa manampy amin’ny fampahafantarana sy fanomanana ny olom-pirenena handray anjara mavitrika amin’ny Fikaonandoham-pirenena ny fidinana ifotony, ka mampiroborobo ny fandraisan’anjaran’ny vahoaka sy ny fampiakarana ny feon’ny fokonolona amin’ny raharaham-pirenena.