05 Jona 2026

Manakara – Faritra Fitovinany

FIKAONANDOHAN’NY TANORA FARITRA FITOVINANY

Notanterahina ny 05Jona2026 ny Fikaonandoham-paritry ny Tanora teto amin’ny Faritra Fitovinany, izay nahitana ireo solontenan’ny tanora avy amin’ny Kaominina samihafa manerana ny Faritra.

Navitrika ny fandraisan’anjaran’ireo tanora, ary nafana ny adihevitra sy ny fifanakalozan-kevitra nahafahana namolavola sy nandrindra ireo soso-kevitra hoentina mandritra ny Fikaonandoham-pirenena.

Efa voafidy ireo solontenan’ny tanora hitondra ny feon’ny Faritra Fitovinany sy hiaro ireo soso-kevitra nivoaka nandritra ity fikaonandoha ity eny amin’ny sehatra nasionaly.

Nanome voninahitra ny fotoana ny Lehiben’ny Faritra, ny Prefet Manakara, ny Talem-paritra Misahana ny Fanavaozana ary ireo Talem-paritra samihafa teto amin’ny Faritra Fitovinany.

Porofon’ny fahavononan’ny tanora handray anjara amin’ny fampandrosoana sy ny fanavaozana ny firenena izao fikaonandoha izao.