zoma 22 May 2026
📍 Faritra Vakinankaratra
🗣️ Tamin’ny lahateny natao dia nanamafisana fa ao anatin’ny dingana lehibe ho fanavaozana ny firenena i Madagasikara ankehitriny. Nampahatsiahivina ireo tanora sy olom-pirenena rehetra fa tsy ho mpijery fotsiny, fa ho mpandray anjara mavitrika amin’ny fanorenana ny hoavin’ny firenena.
🇲🇬 Nohazavaina fa ny Fikaonandoham-pirenena sy ny fakan-kevitra ifotony dia sehatra manan-danja entina mampihaino ny feon’ny vahoaka rehetra, tsy ankanavaka, ka ahafahana mitondra vahaolana iombonana sy maharitra.
👥 Nampirisihina manokana ny tanora handray andraikitra satria izy ireo no fototra sy hery mitondra ny firenena rahampitso. Ny fifampihainoana sy fifanajana no lalana mankany amin’ny firaisankina sy fandrosoana.
✨ “Ny fanavaozana tena izy dia tsy vitan’olona iray, fa asan’ny vahoaka iray manontolo miara-mientana amin’ny fitiavan-tanindrazana sy ny fahavononana hiova.”