Notanterahina androany teny Ivandry ny fihaonana mikasika ny “Vahaolana angovo azo avy amin’ny masoandro ho an’i Madagasikara » nokarakarain’ny Minisiteran’ny Angovo sy Akoran’afo. Anisan’ny nanatrika io fotoana io ny Minisitra misahana ny Fanavaozana,Me Hanitra Razafimanantsoa.

2800 ora isan-taona no isitrahan’i Madagasikara masoandro ka azo heverina ny hahatongavantsika amin’ny fahaleovantena ara-angovo maharitra raha voatrandraka izany,

Izay indrindra no antony niantsoana ny mpampiasa vola tsy miankina amin’ny fanjakana sy ireo mpamatsy vola hiara-hiasa amin’ny fitondram-panjakana mba hanafaingana ny fametrahana toby mpamokatra angovo azo avy amin’ny masoandro nandritry ity fihaonana ity.

Hoy ny Minisitry ny Angovo sy ny Akoran’afo, Radonirina Lucas Rabearimanga: hamoraina ny pitsopitson-dalàna,hiantohana ny mangarahara ary apetraka ny fifampitokisana sy fifampiresahanamadio.

Heverina fa hiafara amin’ny fanaovana Sonia fiaraha-miasa avy hatrany ity fihaonana ity satria tsy tokony hiandry ela intsony ny « famadihana ho vahaolana azo tsapain-tanana ny fananana ny fiposahan’ny masoandro ora maro » hoy kosa ny Minisitry ny Toe-karena sy Fitantanam-bola, Dr Herinjatovo Aimé Ramiarison.

Ny Banky Iraisam-pirenena dia nanamafy ny fanohanany an’i Madagasikara mba hananany angovo azo antoka, maharitra ary takatry ny fahefa-mividy satria ny tsy fisian’izay no efa nitarika ny mponina hitroatra. Ny tanjona hoy izy dia ny hananan’ny 80% malagasy herinaratra amin’ny 2030.

Nataon’ny fitondrana ankehitriny ho laharam-pahamehana ny sehatry ny Angovo satria miantoka ny fandrosoan’ ny firenena, hamerenana amin’ny laoniny ny toekarena entina indrindra hanatsarana ny fiainan’ny tokantrano tsirairay.

#mcr#Fanavaozana

#fifanajana#FiarahaMientana#Finiavana