Ny sehatry ny fananantany sy fandrafetana Lalàmpanorenana indray no entina manatanteraka fikaonandoha. Miara-misalahy ao anatin’ny fanomanana ny Minisitera misahana ny Fanavaozana ireo mpikambana ao anatin’ny Firaisamonim-pirenena toy ny Tafo Mihaavo sy ny SIF (Sehatra iombonona ho an’ny Fananantany).

Tanjona ny hitondrana fanavaozana amin’ny sehatry ny fananan-tany sy ny Lalàmpanorenana.

Mahakasika ny lalàmpanorenana dia hisy ny fakan-kevitra amin’ny faritra miisa 10. Hifantoka amin’ny ireto teboka lehibe ireto izany :

Faritra ifampivelomana : famantarana ireo faritra ifampivelomana 23 eto Madagasikara

Fifampitondrana : ahitana ny dina sy ireo rafitra hafa

Soa iombonana : iresahana momba ny ala, farihy, ranomasina, toekarena, sosialy, kolontsaina, sns.

Vina iombonana : vina lavitr’ezaka sy drafi-pihetsiketsehana mifanaraka amin’izany

Aorian’izay dia hiara-hiasa amin’ny manampahaizana manokana amin’ny fanoratana Lalàmpanorenana mifanaraka amin’ny rafitra « Faritra ifampivelomana ».

Mahakasika ny lohahevitra fototra “Tany” (foncier) kosa dia hisy fivoriana nasionaly (Assise nationale) hanangonana olona 130 amin’ity volana aprily ity.

Ny fitantanana ny tany mifantoka amin’ny maha-olona ho an’ny fampandrosoana maharitra sy ho an’ny taranaka mifandimby no hevi-dehibe hivoitra mandritra izany fihaonana izany, ary andrasana soso-kevitra stratejika ho an’ny fitantanana ny fananan-tany. Horesahina manokana ny mahakasika ny :

Fidirana amin’ny tany

Zon’ny tany iombonana

Disadisa sy ady amin’ny tany

Fandrafetana ara-habaka sy fanajariana ny tany

Ho entina manomana ny asa dia nihaona ny solontena avy ao amin’ny Foibem-pitondrana ankapoben’ny Fikaonandoha eto anivon’ny Minisitera misahana ny Fanavaozana sy ny tompon’andraikitra avy amin’ny Firaisamonim-pirenena. Fihaonana izay nifantoka tamin’ny fandrindrana ny fomba fiasa sy ny fampifanarahana ny lafiny ara-tekinika ny Fikaonandoha hiarahan’ny roa tonta mikarakara

#mcr#𝐅𝐢𝐤𝐚𝐨𝐧𝐚𝐧𝐝𝐨𝐡𝐚#Fanavaozana

#𝐅𝐢𝐟𝐚𝐧𝐚𝐣𝐚𝐧𝐚#𝐅𝐢𝐚𝐫𝐚𝐡𝐚_𝐦𝐢𝐞𝐧𝐭𝐚𝐧𝐚#𝐅𝐢𝐧𝐢𝐚𝐯𝐚𝐧𝐚