Fikaonandoham-pirenena : Fitaovana informatika maro samihafa avy amin’ ny PNUD ho an’ny Minisitera misahana ny Fanavaozana

Noraisin-dRamatoa Minisitra misahana ny Fanavaozana, Maître Hanitra Razafimanantsoa, tao amin’ny birao fiasany ao Antaninarenina androany ny delegasiona notarihin’ny solontena maharitry ny PNUD, Andriamatoa Edward Christow.

Natolotr’izy ireo tamin’izany ny fitaovana informatika nahitana solosaina, ny solaitra mangirana, ny “imprimantes” ary “onduleurs”

Nandritra ity fihaonana fanolorana ity dia naneho ny fankasitrahany ny fanohanana avy amin’ireto mpiara-miombon’antoka ireto ramatoa minisitra, satria hanampy betsaka amin’ny fanatanterahana ny asa eto anivon’ny Minisitera misahana ny fanavaozana ary indrindra amin’ny fanomanana sy ny fanatanterahana ny fikaonandoham- pirenena ireto fitaovana ireto.

Taorian’izao fanolorana fitaovana izao dia nitohy ny dinik’asa nifampiresahan’ny roa tonta mahakasika ireo dingana fanomanana ny fikaonandoham-pirenena

Noresahina nandritra ny fihaonana ihany koa ny momba ny zotra arahana entina hanomanana ny fifidianana izay tafiditra ao anatin’ny laharam-pahamehana amin’ny Fanavaozana ny Repoblika

Anisan’ireo rafi-panjakana nisitraka ny tolotra avy amin’ny PNUD araka izay efa voalaza tamin’ny Talata 7 Aprily lasa teo teny anivon’ny Fiadidiana ny Fanavaozana ny Repoblika teny amin’ny Lapam-panjakana Ambohitsirohitra ihany koa moa ny Minisitera misahana ny Fanavaozana.

#MCR #𝐅𝐢𝐤𝐚𝐨𝐧𝐚𝐧𝐝𝐨𝐡𝐚 #Fanavaozana

#𝐅𝐢𝐟𝐚𝐧𝐚𝐣𝐚𝐧𝐚 #𝐅𝐢𝐚𝐫𝐚𝐡𝐚_𝐦𝐢𝐞𝐧𝐭𝐚𝐧𝐚 #𝐅𝐢𝐧𝐢𝐚𝐯𝐚𝐧𝐚