𝗙𝗮𝗺𝗲𝗿𝗲𝗻𝗲𝗻𝗮 𝗮𝗺𝗶𝗻’𝗻𝘆 𝗳𝗮𝗻𝗷𝗮𝗸𝗮𝗻𝗮 𝗶𝗿𝗲𝗼 𝗵𝗮𝗿𝗲𝗻𝗮 𝗮𝘇𝗼 𝘁𝗮𝗺𝗶𝗻’𝗻𝘆 𝗳𝗼𝗺𝗯𝗮 𝘁𝘀𝘆 𝗮𝗿𝗮-𝗱𝗮𝗹𝗮̀𝗻𝗮: 𝗻𝗼𝗺𝗲𝗻𝗮 𝗳𝗶𝗼𝗳𝗮𝗻𝗮𝗻𝗮 𝗶𝗿𝗲𝗼 𝗺𝗽𝗶𝘀𝗲𝗵𝗮𝘁𝗿𝗮 𝗮𝗺𝗶𝗻’𝗻𝘆 𝘀𝗲𝗿𝗮𝘀𝗲𝗿𝗮 𝘀𝘆 𝗻𝘆 𝗳𝗮𝗻𝗮𝗼𝘃𝗮𝗻-𝗴𝗮𝘇𝗲𝘁𝘆

Notanterahana teny Anosy androany maraina ny atrikasa fampiofanana nokarakarain’ny Agence de Recouvrement des Avoirs Illicites (ARAI) sy ny fikambanan’ny Vehivavy Mpanao gazety.

Iray amin’ireny rafi-panjakana miady amin’ny kolikoly ireny ny ARAI izay misahana ny famerenanana amin’ny fanjakana ireo harena azo tamin’ny fomba tsy ara-dalàna izay efa niasa nanomboka ny taona 2022.

Tafiditra ao anatin’ny iraka ampanaovina ity rafitra ity ny fampahalalana ny vahoaka ny asa ataony satria mananjo hahafantatra sy handray tamberinandraikitra ny olom-pirenena tsirairay. Ireo mpiantsehatra amin’ny serasera sy ny fanavan-gazety dia manana anjara toerana lehibe ao anatin’izany .

Nandray anjara tamin’ity fiofanana ity ny Talen’ny Serasera eo anivon’ny Minisitera misahana ny Fanavaozana satria isan’ny andraikitra goavana ho an’ny Minisitera misahana ny Fanavaozana ny ady amin’ny kolikoly.

Raha ny tarehimarika, mitentina 125 miliara ariary ny totalin’ny vola giazana vonjimaika ho an’ny kaontin’olon-tsotra na orinasa miisa 1200 araka ny nambaran’ny Tale Jeneraly Rado rajhonson androany.Mahatratra 192 kosa ny fiara , 161 ny trano sy tany gejaina vonjimaika ankehitriny. Ny didim-panjakana

Hatreto dia didim-pitsarana 8 no efa voarain’ny ARAI ka vola mitentina 545 tapitrisa ariary noa verina amin’ny tahirim-bolam-panjakana rehefa vita tanteraka ny antontataratasy hanatanterahana izany.

Ny fitsarana no mamoaka ny didy hahafahana mamerina ny fananana amin’ireo olona ahiahiana na manao ny fanagejana raikitra. Ny vola dia arotsaka amin’ny tahirim-bolam-panjakana. Ny filankevitry ny minisitra kosa no manapaka izay tokony ampiasana ireo fananana hafa araka ny tolo-kevitry ny ARAI.

Miara-miasa akaiky amin’ireo rafi-panjakana miady amin’ny kolikoly toy ny BIANCO sy ny PAC ny ARAI. Sahaniny avokoa ireo heloka mifandraika amin’ny fanodikondinana vola sy fananam-panjakana,kolikoly,famotsiam-bola, famatsiam-bola asa fampihorohoroana.

Manana fifanaraham-piaraha-miasa amin’ny fikambanana rejionaly, na amin’ny firenen-kafa ihany koa i Madagasikara hahafahana mamerina an-tanindrazana ireo fananana azo tamin ‘ny fomba tsy ara-dalàna any ivelany.

#mcr #Fanavaozana

#fifanajana #FiarahaMientana #fanolorantena