𝐅𝐈𝐊𝐀𝐎𝐍𝐀𝐍𝐃𝐎𝐇𝐀𝐌-𝐏𝐀𝐑𝐈𝐓𝐑𝐀 𝐍𝐘 𝐅𝐈𝐊𝐀𝐌𝐁𝐀𝐍𝐀𝐍’𝐍𝐘 𝐅𝐈𝐀𝐑𝐀𝐇𝐀𝐌𝐎𝐍𝐈𝐌-𝐏𝐈𝐑𝐄𝐍𝐄𝐍𝐀 (𝐎𝐒𝐂)

Notanterahina ny 07 Jolay 2026 ny andro voalohan’ny Fikaonandoham-paritra hoan’ ny Fikambanan’ny Fiarahamonim-pirenena (OSC) tao Matsiatra Ambony.

Sehatra iray manamafy ny fandraisan’anjaran’ny olom-pirenena sy ny fikambanana amin’ny famolavolana vahaolana maharitra ho an’ny fampandrosoana ny firenena izy ity.

Nifantoka tamin’ny famakafakana ireo olana fototra sy ny antony lalina manakana ny fampandrosoana ny dinika, mba hametrahana soso-kevitra sy vahaolana mifototra amin’ny zava-misy eny ifotony.

Nandray anjara mavitrika tamin’izany ny Talem-paritra Misahana ny Fanavaozana Matsiatra Ambony Ramatoa Stella Razanamahefa.

Dinika izay maneho ny fanoloran-tenan’ny Minisitera Misahana ny Fanavaozana hanamafy ny fiaraha-miasa sy ny fifanakalozan-kevitra miaraka amin’ireo Fikambanan’ny Fiarahamonim-pirenena sy ireo mpiara-miombon’antoka rehetra, ho fanohanana ny dingan’ny Fikaonandoham-pirenena.

#MCR#Fanavaozana

# Fifanajana